前路由我創部落格

最近係網上見到一個比賽，好多人會拍一啲短片講關於佢啲夢想，我見到後覺得幾有意義想同大家分享，大家可以去以下網址，瀏覽人地拍嘅短片，所有短片都係佢地花咗好多時間同心機去拍，希望大家花啲時間欣賞人地嘅心機同努力，如果覺得好嘅就接like支持一下啦!

官方網址﹕http://wcf40dream.com/contest/video/5ac212c682360

今日好去處 ~ 杏花新城

衣次都係為大家介紹一家大細嘅假日好去處，最近杏花新城開咗一間新嘅Namco，入面有好嘢玩，除左最新嘅日本人氣食鬼夾公仔機、夾糖機、籃球機、氣墊球機等等之外，當然亦唔少得好受大人同細路歡迎嘅掟彩紅，我今次去到都贏到唔少戰利品。而依間Namco最特別嘅地方，就係係佢旁邊嘅「Party Squash」壁球遊戲，有兩種模式選擇，Break Party 同 Target Party模式，玩法好簡單，只要係喺3 分鐘內用球拍擊球，擊破牆壁虛擬障礙物就可攞分，場內有提供球拍、熒光帽、眼鏡等裝備，但要預左不斷執波囉​，哈哈! 咁小朋友玩唔玩到呢？我見有小朋友用手掟都一樣得，好似又真係冇規則規定唔可以用手掟，每局遊戲HK$25，大家不妨去體驗一下運動同遊戲結合嘅壁球新玩法吖! 依個遊戲係獨家引入嘅，想試就快啲去Namco啦！

玩完Namco梗係唔夠喉啦，小朋友仲可以玩埋Namco對面嘅 Dreamland Playground 童遊大世界， 是一個 以海洋為主題的室內主題遊樂園，佔地2000呎， 入面有主打遊戲，用30000個波波AR燈影波波池，仲有繩網陣、彈床區、 光影隧道、 瀡滑梯等，款啱晒小朋友嘅心水，而且俾咗入場費就可以玩足全日，小朋友一定玩得開心！詳情可以留意下面嘅圖片。

官方相片及網址﹕

https://www.hkdreamland.com/fee

玩咗咁耐又行咗成日，當然要搵個地方食嘢，喺杏花新城入面有好多食肆選擇，咁啱今日又俾我見到渣打信用卡喺泰沙洞做緊優惠，選擇晚市主餐牌食物，食滿HK$500 可以即時減HK$200，非常之抵呀！跟住就去試吓個晚餐喇，結果我唔單止食咗一餐非常豐富嘅晚餐，仲慳左兩舊水添!

如果你嚟嘅星期六、日諗唔到去邊，不妨考慮一下我今次嘅提議。

當然我今次又有手信啦，哈哈!

今日我想介紹嘅係，好啱一家大細一齊去玩嘅【復活扭蛋「彈」跳樂園】 

喺KCP 九龍城廣場攪左一個大型的扭蛋場，場內有逾百部嘅扭蛋機，包括星之卡比、夏目友人帳、Winnie the pooh、仲有Line 熊大兔兔等的熱門扭蛋，亦有首度發賣的扭蛋玩具，價錢有$5、$10、$20不等。當中更有$1限量扭蛋( 開放時間:1pm至扭完即止)。

除此之外，仲有逾4.2米高的巨型扭蛋機充氣彈床，以及3個利用扭蛋殼化身成嘅攤位遊戲，成功過關，便有機會贏取精美扭蛋禮物，絕對適合大人帶同小朋友到場玩樂一番。

差啲唔記得添，記住要玩埋「扭蛋彩繪工作坊」呀，可以盡情發揮創意，將扭蛋殼彩繪成獨一無二嘅復活裝飾，為復活節增添色彩。

參觀完之後，我又買左手信喇，哈哈~

【復活扭蛋「彈」跳樂園】 

日期: 3月29日至4月8日

地點: 九龍城廣場B1樓層大堂

遊戲開放時間:1pm-7pm

扭蛋區開放時間: 10am-10pm

扭蛋彩繪工作坊

日期: 3月30日至4月2日

開放時間:3pm-5pm

官方網址﹕

http://www.kcp.hk/kcp/wp/easter_promtion/

活動受有關條款及細則約束

最近喺全新嘅電訊品牌「自由鳥」度開咗張新嘅電話卡，發覺唔錯，所以推薦俾大家。

喺佢地度上台，唔需要去門市咁麻煩，只需用部電話上網download 佢地嘅APP，然後花少少時間填一啲個人資料，佢地就會好快將張SIM卡寄到你手上，我自己嗰張，只係用咗一日嘅時間就已經攞到兼用到，過程既方便又快捷，唔止咁，寄出嗰陣，佢地仲會用email 通知你張電話卡已寄出咗，服務真係照顧周到。 

佢地嘅月份計劃分兩種，每月$90包5GB數據同每月$120包7GB數據，冇合約冇任何其他額外費用，我用過覺得佢地嘅上網速度係OK嘅，整體嚟講個人覺得好抵玩。

佢地有個新功能，就係可以將你嘅數據過俾人，相反，你唔夠用嗰陣，人地又可以過俾你。如果一家人、一班friend 又或者男女朋友一齊用，就可以開心share 數據喇。

而且「自由鳥」最近仲做緊一個好正嘅優惠，每次成功推薦俾人，人地就可以一共多4GB數據使用，而你就可以攞到200蚊嘅現金獎賞，優惠期去到4月15日，要用就襯早喇。

如果未有人推薦你用，歡迎你用依個優惠碼 3WP7N，成功嘅話你一樣可以一共多4GB數據用嘞。

最後留意返優惠係有條款限制，用之前記得睇清楚啲條款先呀。

希望今次嘅介紹對你有用啦! ^^

官方網址﹕

https://www.birdie.com.hk/birdie/75856/jsp/share.jsp?go=subscribe&ref=3WP7N&lang=zh

今次係本人第一次Blog, 之前成日聽前輩教路，可以嘗試寫Blog，將好嘢嚟同大家分享，今日終於「的起心肝」開始寫喇。

首先，介紹下自己先，我係一個鍾意行街shopping、睇展覽、行outlet、食好嘢嘅人，所以會留意吓有咩新產品、特別野、得意野、同埋優惠著數，同大家分享! 如果大家有野想分享，亦都可以喺度留言，有好野梗係要宣揚開去架啦! ^^

今日我想介紹吓一啲具有懷舊情懷展覽~~

近年很多人都會鍾意「話當年」，以前點點點...，舊時點點點...，有啲人會懷勉80、90後經典兒歌、有啲人會懷勉懷舊零食，甚至有人收藏左唔少古董玩具。有時會諗返以前有幾好，甚至想返去以前，重溫一下，因為時間過得太快，捉都捉唔住，適逢復活節就到，荃新天地(荃灣)就將那些年懷舊的香港情懷重現眼前，大家不妨去睇睇，留下倩影!

特色景點包括﹕

TINY微影景區﹕微型荃灣大街、上海經典理髮店、懷舊冰室、懷舊士多店，仲有人力車站等美樂士多期間限定店﹕售賣多款懷舊零食及玩具

懷舊「大笪地」市集﹕售賣經典小食及玩物

懷舊特色工作坊﹕於商場內消費滿$300，即可參加各類工作坊

懷舊相片長廊﹕放了60年代至近代的荃灣新舊街景相片對比 

參觀完之後，仲買左手信留念，哈哈~

官方圖片及網址﹕

http://www.citywalk.com.hk/site/e_promotion/?event_id=443

時間: 上午11時 至 晚上8時

地點: 荃新天地1期中庭